သင့်ကို ပိုမိုသားနားတောက်ပသွားစေမည့် တစ်မိနစ် နည်းလမ်းများ

လက်သည်းတွေကို ပြုပြင်ဖို့၊ ဆံပင်ကို ပုံသွင်းဖို့၊ ဖောင်ဒေးရှင်းမိတ်ကပ်လိမ်းဖို့နဲ့ Concelar လိမ်းဖို့ အချိန်မပေးနိုင်ဘူးလား။ အလုပ်ချိန်မီအောင် ပြင်ဆင်နေရတာကြောင့် အလုပ်များနေတဲ့ နံနက်ခင်းမှာ အချိန် များများ ပေးပြီး ကိုယ့်ကိုယ်ကို မပြုပြင် နိုင်တာ သဘာဝကျပါတယ်။ ဒါကြောင့် အချိန်ကုန်သက်သာပြီး သင့်ကို ပိုမိုကြော့ရှင်း လှပလာစေမယ့် နည်းလမ်း ကောင်းတွေကို အကြံပြုလိုက်ပါတယ်။

ဆံခြည်မျှင်တွေ တောက်ပအောင်
ဆံကေသာ တစ်နေ့လုံးတောက်ပနေအောင် ဆံပင်ဖျန်း စပရေးဖျန်းပြီး Serum အရည်ကြည် လိမ်းပေးပါ။ ဒါဟာ ဆံပင်သားချောမွေ့စေပြီး ဆံပင်အဖျားတွေ နှစ်ခွမကွဲအောင် ကာကွယ်ပေးပါတယ်။ လက်ဖဝါးထဲကို Serum အရည်ကြည် နှစ်စက်လောက်ထည့်ပြီး ဆံပင်အဖျားတွေနဲ့ ကြမ်းတမ်းတဲ့နေရာတွေမှာ လိမ်းပေးပါ။

မျက်တောင်ကော့ညွတ်နေအောင်
မျက်တောင်ကော့ကိရိယာနဲ့ မျက်တောင်တွေကို ၁၀ စက္ကန့်လောက် ကော့ပေးပြီး မက်စကာရာ (Mascara) ဆိုးပေးပါ။

နှုတ်ခမ်းအလှ ပေါ်လွင်အောင်
နှုတ်ခမ်းဆိုးဆေး ဒါမှမဟုတ် နှုတ်ခမ်းဆိုးဆေးအဆီကို အချိန်ကြာကြာ ဆိုးပေးပါ။ အခုလို ဆောင်းရာသီမှာ နှုတ်ခမ်းကွဲချင်သလိုလို ခံစားနေရရင် နှုတ်ခမ်းဆိုးဆေးအဆီကြည်ကို ထပ်ဆိုးပေးပါ။

မျက်လုံးတောက်ပနေအောင်
မျက်လုံးပေါ်ကို ဝတ်မယ့်အဝတ်အစားနဲ့ လိုက်ဖက်တဲ့ အိုင်းရှဲဒိုးအရောင် ခြယ်သပေးပါ။ အိုင်းရှဲဒိုးတောက်တောက်လေး ခြယ်သပေးရင် အလုပ်မှာ ပင်ပန်းနေရင်တောင် လန်းဆန်းတဲ့အသွင် ဖြစ်နေစေပါတယ်။

ဆံပင်တွေ သပ်ရပ်နေအောင်
အလွယ်ကူဆုံးနဲ့ စမတ်အကျဆုံး ဆံထုံး ထုံးလိုက်ပါ။ ကိုယ့်လုပ်ငန်းခွင်မှာ အလုပ်နဲ့ ရာထူးအပေါ်မူတည်ပြီး စမတ်ကျကျနဲ့ တည်တည်ငြိမ်ငြိမ်ဖြစ်စေမယ့် ဆံပင်ပုံကို ပြုလုပ်ပါ။

အသားအရေ ကြည်လင်နေအောင်
မျက်နှာက အိပ်ရေးဝပြီး ကြည်ကြည်လင်လင်ဖြစ်နေအောင် ပန်းရောင်မျက်လုံးဆွဲ ခဲတံတစ်ချောင်းနဲ့ အောက်မျက်တောင်စပ်တစ်လျှောက် ဆွဲလိုက်ပါ။ ပြီးရင် မိတ်ကပ်မလိမ်းခင် ဖောင်ဒေးရှင်းခရင်မ်ကို လိမ်းပေးပါ။