H ပုံစံ ခန္ဓာကိုယ်
ပခုံး၊ တင်ပါးနဲ့ ခါးနေရာတွေက ကောက်ကြောင်းမရှိဘဲ တစ်ဖြောင့်တည်း သွားတဲ့ပုံစံပါ။ ပိန်သွယ်တဲ့သူတွေဟာ အများအားဖြင့် ဒီလို (H) ပုံစံခန္ဓာကိုယ် ရှိကြပါတယ်။
ဒီလိုခန္ဓာကိုယ်တွေအတွက် တစ်ဖြောင့် တည်းရှည်တဲ့ ဂါဝန်၊ အင်္ကျီရှည်တွေမှာ ခါးပတ်ဝတ်ဆင်တာမျိုးဟာ သင့်ခါးကို ပေါ်လွင်စေမှာပါ။
A ပုံစံ ခန္ဓာကိုယ်
ဒီခန္ဓာကိုယ်က တင်ပါးနေရာကကြီးပြီး လက်မောင်းနဲ့ ရင်ဘတ်နေရာနားက သေးတဲ့ ခန္ဓာကိုယ်ပါ။ ဒီခန္ဓာကိုယ်တွေက အရောင် တောက်တောက်အဝတ်အစားတွေနဲ့ လိုက်ဖက်ပြီး အပေါ်ဘက်ပခုံးနေရာနားမှာ အပွင့်တွေ၊ အဖတ်တွေပါတဲ့ အင်္ကျီမျိုးကို ရွေးပါ။
V ပုံစံ ခန္ဓာကိုယ်
ဒါကတော့ A ပုံစံခန္ဓာကိုယ်နဲ့ ဆန့်ကျင်ဘက်ပါ။ သင့်ခါး၊ တင်ပါးနဲ့ ပေါင်တံတွေ သေးသွယ်သူတွေပါပဲ။ ဒီလို ခန္ဓာကိုယ်တွေအတွက်ကတော့ စတိုင်ပန်လိုမျိုး ဘောင်းဘီအရှည်အဖြောင့်ကို ဝတ်ဆင်ပါ။ အောက်ရှူးဘောင်းဘီတွေကို တတ်နိုင်သလောက် ရှောင်ပါ။
O ပုံစံ ခန္ဓာကိုယ်
ဒီခန္ဓာကိုယ်ကတော့ သင့်ခါးနဲ့ တင်ပါးနေရာကသိသိသာသာ ဝနေတာမျိုးပါ။ ဒီခန္ဓာကိုယ်အတွက် ကန့်လန့်စင်းဝတ်စုံတွေနဲ့ ကိုယ်ကျပ်ဝတ်စုံတွေကို ရှောင်ပါ။ ဒေါင်လိုက်စင်းပါတဲ့ ဝတ်စုံတွေကိုသာ ဝတ်ဆင်ပါ။
X နဲ့ S ပုံစံ ခန္ဓာကိုယ်
ခါးသေးရင်ချီပြီး ကောက်ကြောင်းပေါ်လွင်တဲ့ အလှပိုင်ရှင်ပါ။ ဒီခန္ဓာကိုယ်ပိုင်ရှင်တွေက ဘယ်အဝတ်အစားမဆို လှပပေမယ့် ခန္ဓာကိုယ်အနေအထားနဲ့ ညီမျှတဲ့ ဝတ်စုံတော့ ဖြစ်ဖို့ လိုပါတယ်။ ခန္ဓာကိုယ်မှာ ကွက်တိ ကျနေဖို့လိုပြီး ခါးနဲ့တင်နေရာမှာ ဒေါက်ထည့်ပြီး ဝတ်ဆင်ပေးပါ။
No comments:
Post a Comment